દમણનીડાભેલ સરકારી પ્રાથમિક શાળા : દાનહમાં ધોધફળીયા, કેન્દ્ર શાળા અથોલામાં વિદ્યાર્થીઓનું ભવ્ય સ્વાગત કરાયું
(વર્તમાન પ્રવાહ ન્યુઝ નેટવર્ક)
દમણ, તા.02
કોરોના રોગચાળા બાદ આજે દમણ જિલ્લામાં તમામ સરકારી પ્રાથમિક વિદ્યાલય ખુલી ગઈ છે. જેમાં આજે સરકારી પ્રાથમિક શાળા ડાભેલમાં ધોરણ 1 થી પ સુધીના વિદ્યાર્થીઓનું સ્વાગત કરવામાં આવ્યું હતું. ઘણા લાંબા સમયથી પ્રાથમિક ધોરણો બંધ હતા. જેમાં ઓનલાઈન અને ઓફલાઈન ક્લાસ ચાલી રહ્યા હતા.
આ પ્રસંગે શાળાના આચાર્યા શ્રીમતી ઈન્દિરાબેન અને શિક્ષકોને નાના નાના વિદ્યાર્થીઓને ફૂલ-હાર, ચોકલેટ, મિઠાઈ આપી ભવ્ય સ્વાગત કર્યુ હતું. કોવિડ-19ના દિશા-નિર્દેશોને ધ્યાનમાં રાખી તમામ વિદ્યાર્થીઓને વર્ગખંડમાં પ્રવેશ કરાવ્યો હતો.
આ કાર્યક્રમને સફળ બનાવવા માટે શાળાના આચાર્યા શ્રીમતી ઈન્દિરાબેન પટેલ, કિરીટભાઈ-જગદીશભાઈ, દક્ષાબેન, હેમલતાબેન, ભારતીબેન, રેખાબેન, વૈશાલીબેન, કામિનીબેન, દર્શનાબેન, મીનાબેન, જોસનાબેન, બિનાબેન અને ફાલ્ગુનીબેન વિશેષ સહયોગ આપ્યો હતો.
