(વર્તમાન પ્રવાહ ન્યુઝ નેટવર્ક)
દમણ, તા.22: દમણ નગરપાલિકાના પ્રમુખ અને ઉપપ્રમુખનો અઢી વર્ષનો કાર્યકાળ 26મી મેના રોજ પૂર્ણ થઈ રહ્યો છે. આગામી અઢી વર્ષ માટે નવા પ્રમુખ અને ઉપપ્રમુખની ચૂંટણી આગામી તારીખ 26મી મેના રોજ યોજાશે.
પ્રાપ્ત માહિતી અનુસાર 18મી જાન્યુઆરી, 2022ના રોજ કેન્દ્ર સરકારે દાદરા નગર હવેલી અને દમણ-દીવ (સંઘપ્રદેશ મર્જર એક્ટ) 2019 માટે નોટિફિકેશન બહાર પાડ્યું હતું અને દાદરા નગર હવેલી અને દમણ-દીવ (રાજ્યનો કાયદો અને રાષ્ટ્રપતિઅનુકૂલન નિયમન) માટે આદેશ જારી કર્યો હતો. આ કાયદા હેઠળ દમણ નગરપાલિકાના પ્રમુખ અને ઉપપ્રમુખની 26મી મેના રોજ તેમની અઢી વર્ષની મુદ્દત પૂરી કરી રહ્યા છે. તેથી છેલ્લા અઢી વર્ષ માટે દમણ નગરપાલિકાના પ્રમુખ અને ઉપપ્રમુખની ચૂંટણી 26મી મેના રોજ યોજાશે.
