- સંઘપ્રદેશ પ્રશાસન દ્વારા દમણ જિલ્લા આદિવાસી સમાજના સહયોગથી યોજાનારો કાર્યક્રમઃ મુખ્ય અતિથિ તરીકે જિલ્લા કલેક્ટર ડો. સૌરભ મિશ્રા ઉપસ્થિત રહેશે
- સમગ્ર દમણ જિલ્લાના આદિવાસી સમુદાયમાં આનંદ ઉત્સાહ અને ઉત્સવનો માહોલ
(વર્તમાન પ્રવાહ ન્યુઝ નેટવર્ક)
દમણ, તા.08 : આવતી કાલે આન બાન અને શાનથી સંઘપ્રદેશ પ્રશાસનદ્વારા શ્રી દમણ જિલ્લા આદિવાસી સમાજના સહયોગથી આંતરરાષ્ટ્રીય ટ્રાઈબલ દિવસની ઉજવણી સ્વામી વિવેકાનંદ ઓડિટોરિયમમાં સવારે 10:30 કલાકે કરવામાં આવશે.
આ કાર્યક્રમના મુખ્ય અતિથિ તરીકે દમણના જિલ્લા કલેક્ટર ડો. સૌરભ મિશ્રા અને અતિથિ વિશેષ તરીકે સાંસદ શ્રી લાલુભાઈ પટેલ ઉપસ્થિત રહેશે.
આંતરરાષ્ટ્રીય આદિવાસી દિવસના ઉપલક્ષમાં દમણ જિલ્લાના સમસ્ત આદિવાસી સમાજમાં આનંદ ઉત્સાહ અને ઉત્સવની લાગણી જોવા મળી રહી છે. આવતી કાલે સ્વામી વિવેકાનંદ ઓડિટોરિયમમાં ખુબ મોટી સંખ્યામાં આદિવાસી ભાઈ-બહેનો ઉપસ્થિત રહેશે એવું વાતાવરણ આજે પૂર્વ સંધ્યાએ દેખાઈ રહ્યું હતું.
સમગ્ર કાર્યક્રમને સફળ બનાવવા માટે દમણ જિલ્લા આદિવાસી સમાજના પ્રમુખ શ્રી ધીરૂભાઈ ધોડીના નેતૃત્વમાં હળપતિ સમાજના પ્રમુખ શ્રી વિષ્ણુભાઈ હળપતિ, વારલી સમાજના અધ્યક્ષ શ્રી રવુભાઈ વારલી, હળપતિ સમાજના, દમણ ન.પા.ના ઉપ પ્રમુખ શ્રીમતી રશ્મિબેન હળપતિ, દમણ જિ.પં.ના સભ્ય શ્રી દિનેશભાઈ ધોડી, દમણ જિ.પં.ના સભ્ય શ્રીમતી સુનિતાબેન હળપતિ, શ્રી ભાવિકભાઈ હળપતિ, શ્રી વિક્રમભાઈ હળપતિ, સહિત તમામ સમુદાયના આગેવાનો આ કાર્યક્રમને સફળ બનાવવા માટે અથાક પ્રયાસ કરી રહ્યા છે.
