(વર્તમાન પ્રવાહ ન્યુઝ નેટવર્ક)
સેલવાસ, તા.26: સેલવાસ નગરપાલિકામાં બીજી ટર્મના અઢી વર્ષ માટે નવા પ્રમુખ અને ઉપ પ્રમુખના પદ માટેની ચૂંટણી પ્રિસાઇડીંગ ઓફિસર અને દાનહના કલેક્ટર શ્રીમતી ભાનુ પ્રભાની ઉપસ્થિતિમાં કરવામાં આવી હતી. શ્રીમતી ભાનુ પ્રભાએ પાલિકાના સભ્યોએ આપેલા સમર્થન દ્વારા પ્રમુખ અને ઉપ પ્રમુખ માટેના દાવેદાર ઉમેદવારના ફોર્મની ચકાસણી કર્યા બાદ પ્રમુખ તરીકે શ્રીમતી રજની શેટ્ટી અને ઉપ પ્રમુખ તરીકે શ્રી કિશનસિંહ પરમારની નિમણૂક કરવામાં આવી હતી. નવા વરાયેલા પ્રમુખ અને ઉપ પ્રમુખને કલેક્ટર શ્રીમતી ભાનુ પ્રભાએ બંનેને નિયુક્તિઅંગેના પ્રમાણપત્ર આપ્યા હતા. સાથે બન્નેને શુભકામના પણ આપી હતી.
આ અવસરે સેલવાસ ન.પા.ના નિવર્તમાન પ્રમુખ શ્રી રાકેશસિંહ ચૌહાણ અને નિવર્તમાન ઉપ પ્રમુખ શ્રી અજયભાઈ દેસાઈએ નવા વરાયેલા પ્રમુખ અને ઉપ પ્રમુખને શુભકામના આપી હતી. સાથે ભાજપાના પદાધિકારીઓ અને સમર્થકોએ પણ પુષ્પગુચ્છ આપી સન્માનિત કરવામાં કર્યા હતા.