આરોપી અફરોજ મોહંમદ જલીલ ખાન અને સગીરાને
ઝડપી પાડી પોલીસ વાપી લઈ આવી
(વર્તમાન પ્રવાહ વાપી બ્યુરો)
વાપી, તા.07: વાપી પાસે આવેલ બલીઠા ગામમાં રહેતી 16 વર્ષની સગીરાને લગ્નની લાલચ આપી ફોસલાવી વિધર્મી યુવક ગત તા.28મીએ ભગાડી ગયો હતો. માતાની ફરિયાદ બાદ પોલીસ આરોપી અને સગીરાને મહારાષ્ટ્ર શીવાજીનગરથી ઝડપી પાડી વાપી લઈ આવી હતી.
વાપી બલીઠામાં રહેતી સગીરાને 20 વર્ષિય અફરોજ મોહંમદ જલીલખાન નામનો વિધર્મી યુવક ઉપર સગીરાની માતાએ ગત તા.28 મેના દિનેફરીયાદ નોંધાવી હતી. સગીરા ઘરેથી પાર્લરનો સામાન લેવા ગુંજન ગઈ હતી. પરંતુ મોડી રાત સુધી પરત નહી ફરતા માતાએ સગીરાને ભગાડી જવાની અફરોજ વિરૂધ્ધ ફરિયાદ નોંધાવી હતી. ગણતરીના દિવસોમાં પોલીસ બંન્નેને મહારાષ્ટ્રના શિવાજીનગરમાંથી ઝડપી લાવીને સગીરાને પરિવારને સોંપી હતી. જ્યારે અફરોજ મોહંમદને નવસારી જેલ ભેગો કર્યો હતો.
