પરિક્ષીત આહીર, નિલેષ આહીર અને મિલન પટેલની ધરપકડ : શુટરોની નજીક પહોંચેલી પોલીસ
(વર્તમાન પ્રવાહ વાપી બ્યુરો)
વાપી, તા.07: વાપી સહિત વલસાડ જિલ્લામાં વાપી તાલુકા ભાજપ પ્રમુખ શૈલેષ પટેલ હત્યાના ચકચારી પ્રકરણમાં પોલીસે વધુ ત્રણ આરોપીની ધરપકડ કરી લીધી છે. ઝડપાયેલા ત્રણેય આરોપી સ્થાનિક છે.
વાપી કોચરવામાં રહેતા ભાજપ નેતા શૈલેષભાઈ પટેલ ગત તા.08મે ના રોજ પત્ની-પરિવાર સાથે રાતા કોચરવા શિવ મંદિરે સવારે 7 વાગે દર્શન કરવા ગયા હતા ત્યારે તેમની ગાડીમાં બાઈક ઉપર આવેલ બે શુટરોએ ગોળી આરી તેમની હત્યા કરી ફરાર થઈ ગયા હતા. હત્યાની ફરિયાદ બાદ પોલીસે હાથ ધરેલી તપાસમાં પ્રથમ જુની અદાવતમાં સોપારી આપી હુમલો કરાવનાર પાંચ આરોપી વિપુલ ઈશ્વર કો.પટેલ, મિતેશ ઈશ્વરકો. પટેલ, શરદ ઉર્ફે સદીયો દયાળ કો. પટેલ, અજય સુમન ગામીત અને સત્યેન્દ્રસિંહ ઉર્ફ સોનું ઝડપાઈ ગયા હતા. આરોપીના રિમાન્ડ અને તપાસમાં વધુ ત્રણ આરોપીની સંડોવણી ખુલી હતી, જેમાં નિલેશ બાબુભાઈ આહીર રહે.પંડોર આહિર ફળીયા, મિલન વિનોદ ધો. પટેલ રહે.અંબાચ, અને પરિક્ષીત ઉર્ફે લાલુ નટુ આહીર રહે.બોરીગામ ચાર રસ્તા, ઉમરગામની હત્યા પ્રકરણમાં સંડોવણી તપાસમાં બહાર આવી હતી. તેથી 4 જુને પોલીસે ધરપકડ કરી હતી. ત્રણ દિવસના રિમાન્ડ મેળવાયા હતા. શાર્પસુટરોના કપડા, સરસામાન અને પુરાવા નાશ કરવાની આ ત્રણેયએ ભુમિક ભજવી હતી. તમામ 8 આરોપી નવસારી જેલમાં મોકલી અપાયા છે. પોલીસે ઈશારો કર્યો હતો શાર્પ સુટરોની નજીક છે તે પણ પકડાઈ જશે.