પિયુષ પટેલ મિત્ર સાથે બાઈક ઉપર પરત ફરી રહ્યો હતો ત્યારે હાઈવે ઉપર કારે ટક્કર મારી દેતા ગંભીર રીતે ઘાયલ થયો હતો
(વર્તમાન પ્રવાહ વાપી બ્યુરો)
વાપી,તા.13: ખેરગામથી વાપી મોરાઈ સ્થિત વેલ્સપન કંપનીમાં નોકરી માટે બાયોડેટા આપી બાઈક ઉપર મિત્ર સાથે પરત ફરી રહેલા યુવાનનો હાઈવે ઉપર અકસ્માત સર્જાયો હતો. કારે યુવાનની બાઈકને ટક્કર મારી દેતા ઘાયલ યુવાનનું વલસાડ સિવિલમાં ખસેડાયા બાદ સારવારમાં કરુણ મોત નિપજ્યું હતું.
પ્રાપ્ત વિગતો અનુસાર ખેરગામ ઊંચાબેટ ફલીયામાં રહેતો 23 વર્ષિય યુવાન પિયુષ ઈશ્વરભાઈ પટેલ મિત્ર સાથે ગતરોજ વાપી મોરાઈ વેલ્સપન કંપનીમાં નોકરી માટે બાયોડેટા આપવા બાઈક ઉપર આવ્યો હતો. પરત ફરતા હાઈવે ઉપર બાઈક નં.જીજે 21 બી.ઓ. 072ને સફેદ કારે ટક્કર મારી દેતા પિયુષ અને તેનો મિત્ર સાહિલ સુમન પટેલ નીચે પટકાયા હતા. ગંભીર અકસ્માતમાં પિયુષ ગંભીર રીતે ઘાયલ થયેલ તેમજ મિત્ર સાહિલને ઈજા પહોંચી હતી. 108માં વલસાડ સિવિલમાં પિયુષને સારવાર માટે ખસેડાયેલ. જ્યાં સારવારમાં તેનું મોત નિપજ્યું હતું. કાર ચાલક અકસ્માત કરી ભાગી છૂટયો હતો. પિયુષના કરુણ મોતથી પરિવાર શોકમાં ગરકાવ થઈ ગયો હતો.
