104 ડોમિસાઇલ, 97 આવકના દાખલાઓ અને 46 જાતિના દાખલાઓ લાભાર્થીઓને સ્થળ ઉપર કાઢી આપવામાં આવ્યા
(વર્તમાન પ્રવાહ ન્યુઝ નેટવર્ક)
સેલવાસ, તા.23 : દાદરા નગર હવેલીમાં કલેક્ટર શ્રીમતી ભાનુ પ્રભાના દિશા-નિર્દેશ મુજબ મામલતદાર શ્રી ધર્મેશ ઠક્કરની આગેવાની હેઠળ મહેસૂલ વિભાગ સેલવાસ દ્વારા પ્રદેશની વિવિધ પટેલાદોમાં અને સેલવાસ શહેરમાં ઝંડાચોક શાળા પરિસરમાં મહેસૂલ વિભાગની વિવિધ સેવાઓ જેમ કે, જાતિ-આવકના દાખલા, ડોમિસાઇલ પ્રમાણપત્ર વગેરે લાભાર્થીઓને ઘરઆંગણે જ મળી શકે તે માટે ખાસ શિબિરનું આયોજન કરવામાં આવ્યું હતું. જેમાં 104 ડોમિસાઇલ, 97 આવકના દાખલાઓ અને 46 જાતિના દાખલાઓ લાભાર્થીઓને સ્થળ ઉપર કાઢી આપવામાં આવ્યા હતા.
આ અવસરે મામલતદાર શ્રી સાગર ઠક્કર, મામલતદાર ઓફિસનો સ્ટાફ સહિત મોટી સંખ્યામા લાભાર્થીઓ ઉપસ્થિત રહ્યા હતા.