(વર્તમાન પ્રવાહ ન્યુઝ નેટવર્ક)
ચીખલી, તા.27: નવસારી જિલ્લામાં સવારથી વરસાદી માહોલ સર્જાયો હતો. જ્યારે જિલ્લાના તમામ તાલુકાઓમાં નોંધપાત્ર વરસાદ નોંધાયો હતો.
વરસાદી માહોલ અને વરસાદને લઈને યલો એલર્ટ વચ્ચે સિંચાઈ વિભાગ દ્વારા નવસારી જિલ્લાના ગણદેવી તાલુકામાં આવેલ દેવધા ટાઈડલ (દેવ સરોવર) ડેમના તમામ 40 દરવાજા ખોલવામાં આવતા સિંચાઈ વિભાગ દ્વારા ગણદેવી તાલુકાના 13 જેટલા ગામોને એલર્ટ કરવામાં આવ્યા હતા જ્યારે દેવધા ડેમના 40 દરવાજા ખોલવા સાથે અંબિકા નદીમાં 13700 કયુસેક પાણીની આવકમાં વધારો થશે.