દાદરા નગર હવેલીમાં ત્રણ ઇંચથી વધુ વરસેલો વરસાદ

(વર્તમાન પ્રવાહ ન્‍યુઝ નેટવર્ક)
સેલવાસ, તા.07 : દાદરા નગર હવેલીમાં આજે સવારથી મોડી સાંજ સુધી ત્રણ ઇંચથી વધુ વરસાદ વરસ્‍યો છે. સારા વરસાદને કારણે ખેડૂતો પણ ખુશી સાથે ડાંગર રોપણીની કામગીરીમાં જોતરાઈ ગયા છે.
આજે સેલવાસમાં 89.2 એમએમ ત્રણ ઇંચથી વધુ અને ખાનવેલમાં 47.3 એમએમ એટલે કે દોઢ ઇંચથી વધુ વરસાદ વરસ્‍યો હતો. જ્‍યારે સિઝનનો કુલ વરસાદ સેલવાસમાં 839.6 એમએમ 33.06 ઇંચ અને ખાનવેલમાં 775.2 એમએમ 30.52 ઇંચ વરસાદ થયો છે. મધુબન ડેમનું લેવલ 70.10 મીટર છે અને ડેમમાં પાણીની આવક 4740 ક્‍યુસેક તથા પાણીની જાવક 2318 ક્‍યુસેક નોંધાઈ છે.