(વર્તમાન પ્રવાહ વાપી બ્યુરો)
વાપી, તા.16: વાપી જી.આઈ.ડી.સી.માં આવેલ એક પેપર મિલમાં આજે વીજ શોક લાગતા 22 વર્ષિય યુવાનનું કરુણ મોત નિપજ્યું હતું.
પ્રાપ્ત વિગતો મુજબવાપી જી.આઈ.ડી.સી.માં આવેલ એન.આર. અગ્રવાલ નામની પેપર મિલમાં 22 વર્ષિય દિપ કુમાર ચીમનભાઈ પટેલ મેન્ટેનન્સ વિભાગમાં મિકેનિકલ હેલ્પર તરીકે ફરજ બજાવતો હતો. આજે ફરજ દરમિયાન દિપને વીજ કરંટ લાગતા ઈ.એસ.આઈ. હોસ્પિટલમાં સારવાર માટે ખસેડાયો હતો. જ્યાં તબીબોએ દિપને મૃત જાહેર કર્યો હતો. મૃતક યુવક દિપ કુમાર વાપી પાસેના કોચરવા ગામનો રહીશ હતો તેમજ પરિવારમાં પિતાના અવસાન બાદ માતાનો એકમાત્ર સહારો હતો. અવસાનના સમાચારથી માતા ઉપર વ્રજઘાત થયો હતો. સમાચાર મળતા પરિવારજનો હોસ્પિટલમાં દોડી આવ્યા હતા. તેમજ કંપની સંચાલકો સામે બેદરકારીના આક્ષેપ કર્યા હતા. મૃતક યુવકને સલામતિના કોઈ સાધન આપવામાં આવ્યા નહોતા. માતા અને પરિવારજનોએ યોગ્ય વળતરની માંગ કરી હતી.
