પારડીના પ્રશાંતભાઈએ મિત્ર વિગ્નયને કાપડની
દુકાન ચાલુ કરવા 35000 ઉછીના આપ્યા હતા
(વર્તમાન પ્રવાહ ન્યુઝ નેટવર્ક)
પારડી, તા.20: પારડી પોલીસ લાઈનની પાછળ અંબાલાલની વાડી ખાતે રહેતા પ્રશાંતભાઈ ધીરુભાઈ હળપતિએ સરોધી ખાતે રહેતા વિગ્નય સંતોષભાઈ પટેલને કપડાની દુકાન શરૂ કરવા માટે થોડા સમય પહેલા 35,000 ઉછીના આપ્યા હતા.
આ અંગેની ઉઘરાણી કરવા પ્રશાંતભાઈ તારીખ 18-7-2023 ના રોજ સરોધી વિગ્નયભાઈના ઘરે પહોંચ્યા હતા પરંતુ વિગ્નય ઘરે ન હોય એમના મમ્મીએ કાલે ? આપી જઈશ હોવાનું જણાવતા પ્રશાંતભાઈ પરત ઘરે પારડી આવી ગયા હતા.
થોડા સમય બાદ ફરીથી રૂપિયા લઈ જવાનો ફોન આવતા પ્રશાંતભાઈ એમના ભાઈ સાવન મિત્ર બ્રિજેશ પટેલ જયસિંહ ભરવાડ અને અજય ભરવાડ સાથે રૂપિયા લેવા શરૂથી પહોંચતા વિગ્નયે મે અન્ય કોઈને પૈસાઆપ્યા હોય જે આવશે ત્યારે આપીશ હોવાનું જણાવતા પ્રશાંતભાઈ પારડી આવવા પરત ફર્યા હતા.
આ દરમ્યાન ઓરવાડ પરિયા રોડ મેડિકલ સ્ટોરની બાજુમાં ઊભેલા સુરેન્દ્રભાઈ રહે.બાલાખાડી, કંસારા કંપનીની બાજુમાં પારડી અને મેહુલભાઈ કિશનભાઈ ધો.પટેલનાઓએ ગાડીને ઊભી રખાવી સાહિનભાઈ કિકુભાઈ ધો.પટેલ રહે.પારડી કોલેજની બાજુમાં આવે છે. ગાડીમાંથી બહાર નીકળો હોવાનું કહેતા ગાડીમાંથી ભહાર નીકળતા ગુસ્સામાં આવેલા સાહિને જમણી આંખની બાજુમાં બ્લોક મારતા ચક્કર આવી ગયા હતા. આ દરમ્યાન વિગ્નય પણ આવી જતા તેને માર મારી જાનથી મારી નાંખવાની ધમકી આપી નીકળી ગયા હતા. પ્રશાંતભાઈને પ્રથમ પારડી સી.એચ.સી. ખાતે સારવાર બાદ બીજે દિવસે ફરીથી ચક્કર આવતા વધુ સારવાર અર્થે વલસાડ સિવિલ હોસ્પિટલમાં ખસેડવામાં આવ્યા હતા ત્યાંથી તેમણે આ ચારેય વિરૂધ્ધ ફરિયાદ નોંધાવતા પારડી પોલીસે ઈ.પી.કો. કલમ 323, 325, 504, 506, (2), 114 નોંધી ધરપકડના ચક્રો ગતિમાન કર્યા છે.
