(વર્તમાન પ્રવાહ ન્યુઝ નેટવર્ક)
સેલવાસ, તા.30 : સેલવાસ પોલીસ સ્ટેશનમાં 20 માર્ચના રોજ અંદાજીત 6,64,899 રૂપિયાની ઓનલાઇન છેતરપીંડી થઈ હોવાની ફરિયાદ આવી હતી. આરોપી વિરુદ્ધ આઇપીસીની 420 કલમ મુજબ ગુનો નોંધી વધુ તપાસ દાદરા આઉટ પોસ્ટના પી.એસ.આઇ. શ્રી શશીકુમાર સિંહ સોંપવામાં આવી હતી.
પ્રાપ્ત માહિતી મુજબ આરોપીઓએ ફરિયાદીને બેંકના અધિકારી બની મોબાઈલ ફોન પર કોલ કરેલ અને એમનીકેવાયસીની વિગત અપડેટ કરવાના બહાને વિગત માંગી હતી. તપાસ દરમ્યાન ફરિયાદીના બેંક ખાતામાંથી 1,39,90 રૂપિયા વોલેટમાં ટ્રાન્સફર કરી લીધા હતા. આરોપીઓને ટેક્નિકલ અને કેટલાક સૂત્રો દ્વારા જાણવા મળેલ કે તેઓ ઝારખંડના છે.
દાનહ પોલીસ દ્વારા એક ટીમનું ગઠન કરી સાઇબર સેલના પી.એસ.આઇ. શ્રી સુરજ રાઉત સાથે બે આરોપીઓની ધરપકડ કરવામાં આવી હતી. આરોપીઓમાં ધિરાજકુમાર પેરુ મંડલ (ઉ.વ.19) રહેવાસી ઝારખંડ અને દિપકકુમાર સુધીર મંડલ (ઉ.વ.21) રહેવાસી દેવઘર, ઝારખંડ જેઓને સેલવાસ ખાતે લાવવામાં આવ્યા હતા અને તેમની પાસેથી 1,51,900 રૂપિયા અને મોબાઈલ જપ્ત કરવામાં આવ્યા હતા.
આગળની વધુ તપાસ સેલવાસ પોલીસ કરી રહી છે.
