વાંસદા-ચીખલીના કોંગ્રેસી ધારાસભ્ય અનંત પટેલ સહિત આગેવાનો અને ગ્રામજનોઍ જેનીલ પટેલનું કરેલું સન્માન
(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.08: દુબઈ ખાતે યોજાયેલ આઠમી આંતરરાષ્ટ્રીય રમત સ્પર્ધામાં અંડર-14 માં નવસારી તાલુકાનાં ઊંઢવલ જેનીલ મુકેશભાઈ પટેલએ ડંકો વગાડી દેશનું નામ રોશન કર્યું છે.
નવસારી જિલ્લાના ચીખલી તાલુકાનાં ઊંઢવલ ગામના જેનિલ મુકેશ પટેલ એથલેન્ટિક્સમાં શાળામાં સફળતાના એક પછી એક શિખરો સર કરી રહ્યા છે ત્યારે હાલ દુબઈ ખાતે યોજાયેલ આઠમી આંતરરાષ્ટ્રીય રમત સ્પર્ધામાં જેનિલ પટેલએ 1500 મીટરની દોડમાં સિલ્વર તો 3 કિલોમીટરની દોડમાં ગોલ્ડ મેડલ, જ્યારે 800 મીટરની દોડમાં પણ ગોલ્ડ મેડમ સાથે વિજેતા થયા છે.
દેશમાં રમતગમતમાં સફળતા બાદ વિદેશની ધરતી પર પણ જેનિલ મુકેશભાઈ પટેલએ ગામની સાથે સમગ્ર દેશનું નામ દુનિયામાં રોશન કરતા લોકો ગર્વ અનુભવી રહ્યા છે.
આદિવાસી વિસ્તારના આ બાળકોના કૌશલ્યને વિદેશમાં પણ એથલેન્ટિક્સમાં ડંકો વગાડતા આદિવાસી સમાજ માટે પણ ગૌરવસમી આ સિદ્ધિ બની રહેવા પામી છે. આ સિદ્ધિ હાંસલ કરતા આ વાંસદા ચીખલી ધારાસભ્ય અનંત પટેલ સહિત આ વિસ્તારના આગેવાનો, ગ્રામજનો દ્વારા જેનિલ પટેલનું સન્માન કરવામાં આવ્યું હતું.