નવનિયુક્ત કલેક્ટરે જિલ્લાના સર્વાંગી વિકાસ માટે મિશન
મોડ ઉપર શરૂ કરેલી કામગીરી
(વર્તમાન પ્રવાહ ન્યુઝ નેટવર્ક)
સેલવાસ, તા.26: દાદરા નગર હવેલીના નવા કલેકટર શ્રી પ્રિયાંક કિશોરે ચાર્જ સંભાળ્યા બાદ પ્રદેશના વિવિધ વિકાસના કામોની મુલાકાત લીધી હતી. સ્માર્ટ સીટી પ્રોજેક્ટ, સિનીયર સીટીઝન પાર્ક અને નવી જૂની શાળાઓની મુલાકાતથી શરૂઆત કરી હતી. શહેરી વિસ્તારમાં કામોની મુલાકાત બાદ દાદરા, નરોલી અને રાંધા ગામની પણ મુલાકાત અધિકારીઓ સાથે લીધી હતી. નવ નિયુક્ત કલેક્ટરશ્રી પ્રિયાંક કિશોરે વિકાસ કાર્યોની સ્થિતિ જાણવાની કોશિશ માનવામાં આવે છે. સ્માર્ટ સીટીમાં રસ્તાઓનું નવીનીકરણને લઈ વિવિધ સરકારી ઈમારતોનું કામ પ્રગતિ પર છે જેને સાકાર કરવામાં ઘણો લાંબોસમય નીકળી રહ્યો છે, કલેકટરશ્રી પ્રિયાંક કિશોરની સક્રિયતાથી લોકોને રસ્તાઓ અને અન્ય આધારભૂત સુવિધાઓ સુધાવાની સંભાવના જોવા મળી રહી છે.
