વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.13: નવસારી જિલ્લાના વાંસદા તાલુકામાં આવેલ જીવા દોરી સમાન કેલીયા ડેમમાં ચોમાસાની સીઝનના પ્રાથમિક તબક્કામાં જ સિત્તેર (70) ટકા જેટલો પાણીથી ભરાઈ જતા સિંચાઈનું પાણી પૂરું પાડતા ચીખલી – ખેરગામ અને વાંસદા તાલુકાના 19 જેટલા ગામોના ખેડૂતોને મોટી રાહત થવા પામી છે. ખરેરા નદી પર આવેલો કેલીયા ડેમ સિત્તેર ટકા જેટલો ભરાવા સાથે આસપાસની પ્રકળતિ સોળે કળાએ ખીલી ઉઠતા અદભુત નજારો સર્જાયો છે. 19 ગામના ખેડૂતો માટે જીવાદોરી સમાન કેલીયા ડેમમાં પાણીની આવક વરસાદના બીજા રાઉન્ડમાં જ પાણીનું પ્રમાણમાં વધારો થતાં ખેડૂતોમાં આનંદની લાગણી પ્રસરી જવા પામી હતી.
