છેલ્લા કેટલાક દિવસથી જિલ્લામાં ડેન્ગ્યુનો વાવર વધુ વકરી રહ્યો છે
(વર્તમાન પ્રવાહ વાપી બ્યુરો)
વાપી, તા.12: વલસાડજિલ્લામાં ડેન્ગ્યુ રોગનું પ્રમાણ દિવસે – દિવસે વધુ વકરી રહેલ છે. આજરોજ વાપી ટાઉનમાં એક અંગ્રેજી માધ્યમની સ્કૂલમાં અભ્યાસ કરતા વિદ્યાર્થીનું ડેન્ગ્યુમાં મોત નિપજ્યું છે જ્યારે અગાઉ પણ એક વિદ્યાર્થીનું ડેન્ગ્યુંમાં મોત થયું હતું તેથી વાલીઓ ચિંતામાં મુકાઈ ગયા છે.
વાપીની અંગ્રેજી માધ્યમની સ્કૂલમાં અભ્યાસ દરમિયાન એક વિદ્યાર્થી અચાનક બિમાર પડી ગયો હતો. તેને સારવારમાં ખસેડાયેલ. નિદાનમાં ડેન્ગ્યુનો રોગ જણાયેલ પરંતુ કમનસીબે વિદ્યાર્થી ઘનિષ્ક સારવાર મેળવે તે પહેલાં મોતને ભેટયો હતો. છેલ્લા કેટલાક દિવસમાં વાપીમાં ડેન્ગ્યુંમાં બે વિદ્યાર્થીના મોત થયા છે તેથી આરોગ્ય વિભાગે સફળ આયોજન કરવું રહ્યું.