ચેમ્પિયન બનેલી શાંતાબા અંગ્રેજી માધ્યમ શાળા – ઉદવાડા, દમણની શ્રીનાથજી સ્કૂલ બનેલી રનર્સ અપ
(વર્તમાન પ્રવાહ ન્યુઝ નેટવર્ક)
સેલવાસ, તા.13: પારડી તાલુકાના ઉદવાડાગામ સ્થિત શેઠ પી.પી.મિષાી અંગ્રેજી માધ્યમ શાળામાં ‘‘નુમા ઈન્ડિયા ઈન્ટર સ્કૂલ/એકેડેમી કરાટે ચેમ્પિયનશીપ-2023”નું આયોજન કરવામાં આવ્યું હતું. જેમાં લગભગ 15 જેટલી શાળાઓના 300થી વધુ કરાટે વિદ્યાર્થીઓએ ભાગ લીધો હતો. આ સ્પર્ધા 6 વર્ષથી લઈને 18 વર્ષથી વધુની ઉંમરના વિદ્યાર્થીઓ અને વિદ્યાર્થીનીઓ માટે આયોજીત કરવામાં આવી હતી. આ સ્પર્ધામાં શાંતાબા અંગ્રેજી માધ્યમ શાળા – ઉદવાડાએ ચેમ્પિયન બની હતી જ્યારે શ્રીનાથજી સ્કૂલ-દમણ રનર્સ અપ રહી હતી અને શેઠ પી.પી.મિષાી અંગ્રેજી માધ્યમ શાળાએ બીજું રનર્સ અપ ટ્રોફી પ્રાપ્ત કરવામાં સફળતા મેળવી હતી.
આ સ્પર્ધામાં મુખ્ય અતિથિ તરીકે નુમા ગુજરાતના પ્રમુખ ગન બહાદુર અને નુમા ઈન્ડિયાના ડાયરેક્ટર આકાશ ઉદેશીની આમંત્રિત કરવામાં આવ્યા અને તેમના દ્વારા વિજેતા વિદ્યાર્થીઓને મેડલ અને પ્રમાણપત્ર આપી નવાજવામાં આવ્યા હતા.
આ સ્પર્ધાને સફળ બનાવવા માટે નુમા ઈન્ડિયાના સેક્રેટરી અર્જુન ઉદેશી, શેઠ પી.પી.મિષાી અંગ્રેજીમાધ્યમ શાળાના કોચ નિકિતા ઉદેશી અને સીનિયર રેફરી/જજિસ પાર્થ પારડીકર, શૈલિન ધોડી, પ્રિંસ પાલેકર, લલિત માલી, તનિષ્ઠા, મિત, નક્ષત્ર, જલ, આદર્શ, આચાલ અને કરાટે ઓફિશિયલ વોલેન્ટિયરર્સ ટીમનો મુખ્ય ફાળો રહ્યો હતો.
