લાલ વાલનું બિયારણ, દવા છાંટવાના પંપ, સ્ટોરેજ બિન તથા ફળમાખીની ટ્રેપ વગેરે વહેલા તે પહેલાંના ધોરણે સબસીડીના લાભ સાથે વિતરિત કરવાનો જિલ્લા પંચાયતના કૃષિ વિભાગનું આયોજન
(વર્તમાન પ્રવાહ ન્યુઝ નેટવર્ક)
દમણ, તા.15 : દમણ જિલ્લા પંચાયતના કૃષિ વિભાગ દ્વારા સંપૂર્ણ કૃષિ વિકાસ યોજના-2022-‘23 અંતર્ગત દમણ જિલ્લાના સ્થાનિક ખેડૂતોને લાલ વાલનું બિયારણ રૂા.1000ની મર્યાદામાં (દવા છાંટવાના પંપ, હાથથી અને પગથી ચાલતા પંપ), સ્ટોરેજ બિન-રૂા.5000ની મર્યાદામાં 50 ટકા સબસીડી સાથે વિતરિત કરવા તથા ફળ અને શાકભાજીમાં ફળમાખીના નિયંત્રણ માટેની ફેરોમેન ટ્રેપ અને નારિયેળીમાં ગેંડાના નિયંત્રણ માટેની ફેરોમેન ટ્રેપ 2500ની મર્યાદામાં 100 ટકા સબસીડી સાથે વિતરીત કરવાનું આયોજન વહેલા તે પહેલાંના ધોરણે નક્કી કરવા માટેના પૂર્વ આયોજનના ભાગરૂપે ખેડૂતોને તેમની જમીનની 1/14ની સ્વ પ્રમાણિત નકલ અને આધારકાર્ડની સ્વ પ્રમાણિત નકલ સાથે પોતાનીજરૂરિયાત દર્શાવવા જિલ્લા પંચાયતના કૃષિ અનુભાગનો સંપર્ક કરવા દમણના ખંડ વિકાસ અધિકારી શ્રી રાહુલ ભીમરાએ એક પરિપત્ર દ્વારા જણાવ્યું છે.