પોલીસે 4 નંગ મોબાઈલ ફોન રોકડ મળી કુલ 37,860 નો મુદ્દામાલ કબજે લીધો
(વર્તમાન પ્રવાહ ન્યુઝ નેટવર્ક)
પારડી, તા.28: પારડી પોલીસ મથકના પી.આઈ બી. જે. સરવૈયા તેમના સ્ટાફ ક્રિપાલસિંહ,પ્રદીપસિંહ, મહેન્દ્રસિંહ સાથે ખાનગી વાહનમાં પેટ્રોલીંગમાં ફરતા હતા જે દરમિયાન ઓરવાડ મચ્છી માર્કેટમાં બે ઇસમો વરલી મટકાનો હાર જીતનો જુગાર રમાડતા હોવાની બાતમી મળતા પારડી પોલીસ ઓરવાડ મચ્છી માર્કેટ પાસે પહોંચી હીરાલાલ મટરુ પાસી ઉ.વ. 58 રહે.ઓરવાડ મચ્છી માર્કેટ, અને નરેશ રામુભાઈ કો. પટેલ ઉ.વ. 56 રહે. મોતીવાડા મોટા ફળિયાને હાથમાં કાગળની કાપલી ઉપર વરલી મટકાના આકડા લખતા રંગે હાથ ઝડપી લીધા હતા. પોલીસે બંને પાસેથી આંક ફરક લખેલી ચિઠ્ઠીઓ અને ચાર મોબાઈલ ફોન કિંમત રૂ 6.500/- અને રોકડા રૂ 31.360 મળી કુલ રૂ 37.860/-નો મુદ્દામાલ પારડી પોલીસે કબજે લઈ બંને વિરુદ્ધ વિવિધ જુગાર ધારાની કલમ હેઠળ ધરપકડ કરી કાયદેસરની કાર્યવાહી હાથ ધરી હતી.
