(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.01: ચીખલી તાલુકામાં સવારના દસ વાગ્યે ગામે ગામ સાફ સફાઈ હાથ ધરવામાં આવી હતી. તાલુકાના ઘેજ ગામે સરપંચ રાકેશભાઈ, ડેપ્યુટી સરપંચ ગૌરાંગભાઈ સોલંકી, તાલુકા સભ્ય ધર્મેશભાઈ સહકારી મંડળીના ચેરમેન ભરતભાઈ, અગ્રણી શૌલેશભાઈ, ભરડા તલાટી કલ્પેશભાઈ સહિતનાની ઉપસ્થિતિમાં ગ્રામ પંચાયત કચેરીની આસપાસ સફાઈ હાથ ધરવામાં આવી હતી. જેમાં શિક્ષકો પણ મોટી સંખ્યામાં જોડાયા હતા. અને સ્વચ્છ ભારતના સંકલ્પને સાકાર કરવાના શપથ દુકાન ફળીયા પ્રાથમિક શાળાના આચાર્ય વનીતાબેને લેવડાવ્યા હતા.
ફડવેલ ગામે સરપંચ ઉષાબેન, તાલુકા પંચાયત સભ્ય મહેશભાઈ, પૂર્વ સરપંચ હરીશભાઈ, તલાટી સંજયભાઈ સહીતનાની ઉપસ્થિતિમાં મોટી સંખ્યામાં સ્થાનિકો જોડાઈ આંગણવાડી, પ્રાથમિક શાળા, પીએચસી, હાઈસ્કૂલ સહિતના વિવિધ સ્થળોએ સફાઈ કરવામાં આવી હતી.સ્વચ્છતા અંગેના શપથ પીએચસીના સુપરવાઈઝર અરૂણભાઈ પટેલે લેવડાવ્યા હતા.
તાલુકા મથક ચીખલી રેફરલ હોસ્પિટલથી લઈ ડેપો સર્કલ, હાઈવે ઓવરબ્રિજ ચાર રસ્તા, હાઈસ્કૂલ શોપિંગ સેન્ટર સહિતના મુખ્ય માર્ગો પર સ્વામિનારાયણની બીએપીએસ સંસ્થાના દિવ્ય સાગર સ્વામી તપોનિધિ સ્વામી ચીખલી ક્ષેત્રેના નિર્દેશક કમલેશભાઈ સહિતનાની આગેવાનીમાં 100-જેટલા હરીભક્તો સ્વચ્છતા અભિયાનમાં જોડાઈ મોટાપાયે સાફ સફાઈ કરી મહંત સ્વામીના સ્વચ્છતા એ મહત્વના શિષ્ટાચાર અને આધ્યાત્મિક સાધનાના સૂત્રને સાકાર કર્યું હતું. ગામે ગામ બીએપીએસ સંસ્થાના હરિભક્તો, ચૂંટાયેલા પ્રતિનિધિઓ, કર્મચારીઓ, સ્થાનિકો મોટી સંખ્યામાં જોડાઈ સફાઈ કરી હતી.