ચાલકની ધરપકડ કરી પારડી પોલીસે દારૂ અને ટેમ્પો મળી કુલ રૂા.4.77 લાખનો મુદ્દામાલ કબજે કર્યો
(વર્તમાન પ્રવાહ ન્યુઝ નેટવર્ક)
પારડી, તા.03: દમણથી એક આઈસર ટેમ્પોમાં દારૂનો જથ્થો ભરી નીકળ્યો હોવાની બાતમી પારડી પોલીસને મળતા પારડી પોલીસે ટીમ બનાવી રેંટલાવ હનુમાન મંદિર આગળ વોચ ગોઠવી હતી. જે દરમિયાન બાતમીવાળો ટેમ્પો નં.ડીડી-03-જી-9975 આવતા પોલીસે અટકાવી તલાશી લેતા ટેમ્પામાં પ્લાસ્ટિક વેસ્ટના જથ્થાની નીચે અલગ અલગ બ્રાન્ડની વિદેશી દારૂની બોટલ નંગ 1200 જેની કિંમત રૂા.72000 નો જથ્થો મળતા ચાલક અનોજ નરેશભાઈ યાદવ ઉ.વ. 26 રહે.દમણ ચીકુવાડી મુકેશભાઈની ચાલની ધરપકડ કરી છે. અને 72000 નો દારૂ અને રૂા.4,00,000નો ટેમ્પો અને એક મોબાઈલ ફોન મળી કુલ રૂા.4,77,000 નો મુદ્દામાલ પારડી પોલીસે કબજે લઈ ગુન્હો નોંધાયો છે અને આ દારૂ હેરાફેરીમાં સંડોવાયેલા જયેશ નગીનભાઈ પટેલ રહે.દમણ રીંગણવાડા અને અન્ય એક ઈસમને વોન્ટેડ જાહેર કરી પારડી પોલીસે વધુ કાર્યવાહી હાથ ધરી છે.
