(વર્તમાન પ્રવાહ વાપી બ્યુરો)
વાપી, તા.04: ધરમપુર માલનપાડા ક્રિષ્ણા હોટલ નજીક ટ્રક ચાલકે બાઈકને ટક્કર મારી દેતા ગમખ્વાર અકસ્માત સર્જાયો હતો. અકસ્માતમાં બાઈક સવાર દંપતિ પૈકી પત્નીનું ઘટના સ્થળે જ કમકમાટી ભર્યું મોત થયું હતું.
ધરમપુર પૈકી ગામના નિશાળ ફળીયામાં રહેતાખુશાલભાઈ મનસભાઈ ભોયા તેમની પત્ની સોનકીબેન ભોયા સાથે બાઈક નં.જીજે 15 બીએ 5254 ઉપર સવાર થઈને ધરમપુર તરફ આવી રહ્યા હતા તે દરમિયાન માલનપાડા પાસે ટ્રક નં.જીજે 3 બીવાય 3463 ના ચાલકે બાઈકને ભટકાવી દીધી હતી. અકસ્માતમાં સોનકીબેન નીચે પટકાતા ગંભીર ઈજાઓના કારણે સ્થળ ઉપર જ કરુણ મોતને ભેટયા હતા. ધરમપુર પાલિકાના માજી સભ્ય સુરેશભાઈ ગાયકવાડ ઘટના સ્થળે દોડી આવી 108 એમ્બ્યુલન્સ અને પોલીસને અકસ્માતની જાણ કરી હતી. પોલીસે લાશને પી.એમ. માટે મોકલી આપી હતી.