લોકસભા અને પાલિકા ચૂંટણી અંગેની વ્યુહ રચના અને જવાબદારીનું આયોજન કરવામાં આવ્યું
(વર્તમાન પ્રવાહ વાપી બ્યુરો)
વાપી, તા.09: વલસાડ જિલ્લા આમ આદમી પાર્ટીની કારોબારીની મિટિંગ સરકીટ હાઉસમાં યોજાઈ હતી. જેમાં જિલ્લાના હોદ્દેદારો ઉપસ્થિત રહ્યા હતા.
આગામી સમયે લોકસભા અને વલસાડ જિલ્લાની પાલિકાની ચૂંટણી આવી રહી છે તેથી તમામ રાજકીય પાર્ટીઓ એકશનમાં આવી રહી છે તે સંદર્ભે વલસાડ જિલ્લા આમ આદમી પાર્ટીની કારોબારી મિટિંગ રવિવારે વલસાડ સરકીટ હાઉસમાં યોજાઈ હતી. જિલ્લા આમ આદમી પાર્ટીના પ્રમુખ જયેન્દ્ર ગાવિતની અધ્યક્ષતામાં યોજાયેલ મિટિંગમાં પ્રદેશ જોઈન્ટ સેક્રેટરી કમલેશ પટેલ ખાસ ઉપસ્થિત રહ્યા હતા. મિટિંગમાં ચૂંટણીઓ અંગેની વ્યુહ રચના અને પાલિકા ચૂંટણી અંગે ખાસ જવાબદારી જે તે કાર્યકરો અને હોદ્દેદારોને સોંપવામાં આવી હતી. આમ આદમી પાર્ટી આગામી આવનારી ચૂંટણી લડવાના મુડ જાહેર કરી દીધો છે. જોવુ એ રહેશે કે કેવી સફળતા મળે છે.