(વર્તમાન પ્રવાહ ન્યુઝ નેટવર્ક)
દમણ, તા.13: આજે દમણમાં શ્રી દમણ જિલ્લા કોળી પટેલ સમાજ ભવન સોમનાથ ખાતે નવરંગ ગરબા ક્લાસીસ દ્વારા ગરબાની સ્પર્ધાનુંઆયોજન કરવામાં આવ્યું હતું. શ્રી દમણ જિલ્લા કોળી પટેલ સમાજ દ્વારા છેલ્લા 5 વર્ષથી નવરંગ ગરબા ક્લાસનુ આયોજન થઈ રહ્યું છે અને આ પાંચમું વર્ષ છે. દર વર્ષે ખેલૈયાઓ મળી ગરબા રમઝટ ક્લાસમાં ભાગ લેતા હોય છે. જેની કડીમાં આ વર્ષે પણ ખેલૈયાઓની સંખ્યા 450ની પાર પહોંચી હતી.
આજના કાર્યક્રમની શરૂઆત માઁ અંબાની આરતીથી કરવામાં આવી હતી. આ પ્રસંગે કાર્યક્રમના મુખ્ય અતિથિ તરીકે શ્રી દમણ જિલ્લા કોળી પટેલ સમાજના સચિવ શ્રી જયંતિભાઈ પટેલ ઉપસ્થિત રહ્યા હતા. આ પ્રસંગે સમાજના સોશિયલ મીડિયા પ્રભારી શ્રી ઉપેન્દ્રભાઈ પટેલ વિજેતાઓને ટ્રોફીઓ અને ઉપહારો આપી સન્માનિત કરવામાં આવ્યા હતા.
