2023ના વર્ષમાં ડેન્ટલનો અભ્યાસ પૂર્ણ કરી ગ્રેજ્યુએટ થયેલા અને ઈન્ટર્નશીપના વિદ્યાર્થીઓને મેડલ અને પ્રમાણપત્ર આપી સન્માનિત કરાયા
(વર્તમાન પ્રવાહ ન્યુઝ નેટવર્ક)
દમણ, તા.16 : દમણની વૈદિક ડેન્ટલ કોલેજ અને રિસર્ચ સેન્ટરમાં 2023ના વર્ષમાં ડેન્ટલ કોર્સ પૂર્ણ કરી ગ્રેજ્યુએટ થયેલા અને ઈન્ટર્નશીપ પૂર્ણ કરનારા વિદ્યાર્થીઓ માટે આજે દિક્ષાંત સમારોહનું આયોજન કરવામાં આવ્યું હતું.
પ્રાપ્ત માહિતી મુજબ નાની દમણ ખાતેના સ્વામી વિવેકાનંદ ઓડિટોરિયમમાં આજે દમણની વૈદિક ડેન્ટલ કોલેજમાં 2023ના વર્ષમાં દંત ચિકિત્સાનો અભ્યાસક્રમ પૂર્ણ કરી ગ્રેજ્યુએટ થયેલા અને ઈન્ટર્નશીપ પૂર્ણ કરનારા વિદ્યાર્થીઓની પદવી માટે દિક્ષાંત સમારોહ કાર્યક્રમનું આયોજન કરવામાં આવ્યું હતું. આ પ્રસંગે પ્રદેશ ભાજપ પ્રમુખ શ્રી દીપેશભાઈ ટંડેલ મુખ્ય અતિથિ તરીકે ઉપસ્થિત રહ્યા હતા.
આજના દિક્ષાંત સમારોહ કાર્યક્રમમાં દંત ચિકિત્સાનો અભ્યાસ પૂર્ણ કરી ગ્રેજ્યુએટની થયેલા અને ઈન્ટર્નશીપ પૂર્ણ કરનારા વિદ્યાર્થીઓને ઉપસ્થિત મહાનુભાવોના હસ્તે મેડલ તથા પદવીપ્રમાણપત્ર આપીને સન્માનિત કરવામાં આવ્યા હતા.
આ પ્રસંગે પદ્મશ્રી ડો. એસ.એસ.વૈશ્ય, વૈદિક ડેન્ટલ કોલેજના ટ્રસ્ટી અને દમણ નગરપાલિકાના પ્રમુખ શ્રી અસ્પી દમણિયા, ખાસ ઉપસ્થિત રહેલા મહેમાન શ્રી જગીત સિંઘ સચર બોબી કુંદ્રા, ડેન્ટલ કોલેજના ડીન, પ્રોફેસર શ્રી માજીદ રેહા, વિદ્યાર્થીઓ અને વાલીઓ ઉપસ્થિત રહ્યા હતા.
