(વર્તમાન પ્રવાહ ન્યુઝ નેટવર્ક)
નવસારી,તા.31: જુનાથાણા સ્થિત મતિયા પાટીદાર વાડી ખાતે તારીખ 29 ઓક્ટોબર રવિવારે જેસીઆઇ નવસારીનો 57મો એવોર્ડ સમારંભ યોજાયો હતો. વર્ષ દરમિયાન થયેલ કાર્યો માટે કાર્યકારી ટીમને વિવિધ એવોર્ડ આપીબિરદાવામાં આવ્યા હતા. પ્રમુખ હાર્દિકભાઈ પટેલે જેસીઆઇ પરિવારનો સાથ સહકાર આપવા બદલ આભાર માન્યો હતો. 58મા ઈન્સ્ટોલેશન સેરેમની દરમિયાન નવા પ્રમુખ પદે કામિનીબેન શુકલની વરણી કરવામાં આવી હતી. નવા પ્રમુખ કામિનીબેન શુકલ તેમજ નવી ટીમ કાર્યકરી ટીમ પાસે શપથ વિધિ કરાવવામાં આવી હતી. તેમજ આવનાર વર્ષ વધુ સારા કાર્યો જેસીઆઈ નવસારી કરશે એવી શુભકામનાઓ આપવામાં આવી હતી.
