સર્વિસ સ્ટેશન લઈ જતી ટ્રેનનું એન્જિન લૂપ લાઈન ઉપર ખડી પડયુ હતું
(વર્તમાન પ્રવાહ વાપી બ્યુરો)
વાપી, તા.11: વલસાડ રેલવે સ્ટેશને બુધવારે રાત્રે રેલવે અકસ્માત સર્જાયો હતો. સર્વિસ સ્ટેશન લઈને જઈ રહેલ ટ્રેનનું એન્જિન અચાનક લુપ લાઈન ઉપરથી નીચે ઉતરી જતા દોડધામ મચી ગઈ હતી.
વલસાડ રેલવે સ્ટેશનથી પ્લેટ નંબર-5 ઉપર પસાર થઈ રહેલ સર્વિસ સ્ટેશન ભરીને જઈ રહેલ ટ્રેનનું એન્જિન અચાનક પાટા ઉપરથી ખડી પડતા ટ્રેન થોભાવાઈ હતી. અચાનક અકસ્માત સર્જાતા રેલવે લોકોનો ટેકનિકલ સ્ટાફ રેલ લાઈન ઉપર દોડી ગયો હતો અને મરામતની કામગીરી શરૂ કરી હતી. અલબત્ત સદ્દનસીબે પેસેન્જર ટ્રેનનું એન્જિન હોત તો મોટો હોબાળો મચી જવા પામ્યો હતો. પરંતુ ટેકનિકલ ટ્રેન હોવાથી ખાસ રેલવે સ્ટેશને કોઈ દોડધામ કે ચર્ચા થઈ નહોતી. હા ટેકનિકલ સ્ટાફે ભારે દોડધામ કરી હતી.રેલવેમાં નાના મોટા અકસ્માત અપવાદમાં સર્જાતા રહે છે.