(વર્તમાન પ્રવાહ ન્યુઝ નેટવર્ક)
દમણ, તા.16 : આજે મોટી દમણના ઝરી મંદિર નજીક રોંગ સાઈડથી પુરપાટ ઝડપે આવતી મિનિબસની અડફેટે આવેલા મોટરસાયકલ ચાલક રાજ સુરેશ પટેલ(ઉ.વ.22)નું ઘટના સ્થળે જ મોત થવા પામ્યું હતું. જ્યારે મોટરસાયકલની પાછળ બેસેલા મૃતકના કાકા હરેશ જગુ પટેલને ગંભીર ઈજાઓ થતાં સારવાર માટે હોસ્પિટલમાં દાખલ કર્યા હોવાની માહિતી મળી છે.
પ્રાપ્ત માહિતી પ્રમાણે રોડમાં ઠેર ઠેર ખોદાણ અને ખાડાઓ હોવાના કારણે મિનિબસ નં. ડીડી-03 એફ- 9219ના ચાલકે પોતાની ગાડીને રોંગ સાઈડ લેતાં મોટરસાયકલ ચાલક રાજ પટેલને અડફેટમાં લેતાં ઘટના સ્થળે જ મોત થયું હતું. મોટી દમણ કોસ્ટલ પોલીસે મિનિબસ ચાલક સામે ગુનો નોંધી આગળની કાર્યવાહી શરૂ કરી છે.
