વેન સુરતથી કિંમતચી સામાન ભરીને મુંબઈ હેડ ઓફિસે જતી હતી : ચાલક, ગાર્ડ અને મેનેજરને સલામત રીતે બહાર કઢાયા
(વર્તમાન પ્રવાહ વાપી બ્યુરો)
વાપી, તા.12: વલસાડ સરોધી હાઈવે ઉપર એકતા હોટલ સામે આજે શુક્રવારે સવારે ગંભીર અકસ્માતસર્જાયો હતો. સુરતથી મુંબઈ જઈ રહેલી સિક્યોરિટી વેનની એક્સલ તૂટી જતા વેન પલટી મારી ગઈ હતી. વેનમાં ગોલ્ડ અને રોકડ રકમ હતી. અકસ્માતમાં ચાલક, ગાર્ડ અને મેનેજરને સલામત રીતે બહાર કઢાયા હતા.
પ્રાપ્ત વિગતો મુજબ સીકવલ ગ્લોબલ પ્રિસિઓસ લોજીસ્ટીક કંપનીની બોલશે. પિકઅપ વેન નં.એમએચ 02 એફજી 9856 સુરતથી વેનમાં રોકડ કેશ અને ગોલ્ડ ભરીને સુરતથી મુંબઈ હેડ ઓફિસે જવા નિકળી હતી. તે દરમિયાન સરોધી હાઈવે હોટલ એકતા સામે વેનની એક્સલ તૂટી જતા ચાલકે સ્ટેયરીંગ ઉપર કાબુ ગુમાવ્યો હતો. પિકઅપ વેન ડિવાઈડર સાથે ભટકાઈ પલટી મારી ગઈ હતી. આસપાસના લોકો દોડી આવીને વેનમાં બેઠેલા ગાર્ડ અને મેનેજરને બહાર કાઢી ત્રણેય ઘાયલોને 108 દ્વારા સિવિલમાં ખસેડાયા હતા. જ્યારે ચાલક સામાનનું ધ્યાન રાખતા સ્થળે જ ઉભો રહેલો. પોલીસે આવી વેનને ક્રેનની મદદથી ખસેડવાની તજવીજ હાથ ધરી હતી.
