કેમિકલ અને રિયલ એસ્ટેટમાં કંપની કામકાજ કરે છે
(વર્તમાન પ્રવાહ વાપી બ્યુરો)
વાપી, તા.22
વાપીમાં છેલ્લા બે દિવસથી આવકવેરા વિભાગનું એક કંપનીમાં સર્ચ ઓપરેશન ચાલી રહ્યું હતું. રવિવારે સી.બી.ડી.એ જાણકારી આપી હતી કે, વાપી, સરીગામ, સેલવાસ, મુંબઈ સહિત 20 જેટલી જગ્યાઓ ઉપર દરોડા પાડીને 100 કરોડની બિનહિસાબી આવક ઝડપી પાડી હતી.
આવકવેરા વિભાગે 18 નવેમ્બરના રોજ વાપી,સરીગામ, સેલવાસ અને મુંબઈ આવેલા 20થી વધુ જગ્યાએ દરોડા પાડીને કંપનીના દસ્તાવેજો, ડાયરી, મોટી બિનહિસાબી આવક દર્શાવતા ડિઝીટલ ડેટો ગુનાહિત પુરાવા અને ગૃપ દ્વારા સંપતિમાં રોકાણ જપ્ત કરવામાં આવ્યું હતું. બોગસ ખરીદી ઈનવોઈસ ઉપયોગ, જી.એસ.ટી. ક્રેડીટ, નકલી કમિશન ખર્ચની વિવિધ પધ્ધતિ અપનાવી કર પાત્ર આવક છુપાવાઈ હતી. જે આવકવેરાની તપાસમાં બહાર આવ્યું હતું. તેથી મહારાષ્ટ્રની અર્બન ક્રેડીટ કો.બેન્કના 53 કરોડના વહેવારો પર આવકવેરા વિભાગે પ્રતિબંધ કર્યા છે. કાર્યવાહી દરમિયાન 2.5 કરોડ, 1 કરોડની જ્વેલરી પણ જપ્ત કરાઈ હતી. તદ્દઉપરાંત 16 બેંક ખાતાઓમાંથી 100 કરોડના વહેવારો પણ અટકાવાયા હતા. કંપની કેમિકલ અને રિયલ એસ્ટેટમાં કામગીરી કરે છે.