(વર્તમાન પ્રવાહ ન્યુઝ નેટવર્ક)
સેલવાસ, તા.12 : દાનહ એસ.પી.ને મળેલ માહિતીના આધારે ક્રાઇમ બ્રાન્ચ દ્વારા સેલવાસના ભુરકુડ ફળિયામાં એક મકાનમાં રેડ પાડી હતી, ત્યાંથી બે કિલો ગાંજા સાથે ચાર વ્યક્તિની ધરપકડ કરવામાં આવી હતી. જેઓને કોર્ટમા રજૂ કરતા ત્રણ દિવસના રિમાન્ડ આપવામાં આવ્યા હતા.
મળેલ જાણકારી અનુસાર દમણ પોલીસ દ્વારા પહેલાં વિજય કાલીના ઘરે રેડ પાડવામાં આવી હતી તે સમયે આરોપીઓ દ્વારા પોલીસ ટીમ પર હૂમલો કરવાનો પણ પ્રયાસ કરાયો હતો. ત્યારબાદ સેલવાસ ક્રાઇમ બ્રાન્ચની ટીમ પહોંચી હતી અને મુદ્દામાલ જપ્ત કરી આરોપીઓની ધરપકડ કરવામાં આવી હતી. આ અંગે સેલવાસ પોલીસ દ્વારા હાલમાં કોઈપણ માહિતી આપવામાં આવી નથી. સેલવાસ પોલીસ દ્વારા આરોપીઓને કોર્ટમા રજૂ કરતા ત્રણ દિવસના પોલીસ રિમાન્ડ આપવામાં આવ્યા છે.