વાપી અને જી.આઈ.ડી.સી.ના વિવિધ વિસ્તારોમાં ફલેગ માર્ચ કરી
(વર્તમાન પ્રવાહ વાપી બ્યુરો)
વાપી, તા.13: લોકસભાની સામાન્ય ચૂંટણીનું બ્યુગલ વાગી ચુક્યુ છે ત્યારે જિલ્લા પોલીસ પણ શાંતિપૂર્ણ માહોલમાં ચૂંટણી યોજાય તે માટે વાપી પોલીસ અને આર.પી.એફ.ના જવાનોએ આજે શહેરના જુદા જુદા વિસ્તારોમાં ફલેગ માર્ચ કરી હતી.
આગામી લોકસભાની ચૂંટણીમાં કાયદો અને વ્યવસ્થાના ભાગ રૂપે વાપી પોલીસ ફલેગ માર્ચનુંઆયોજન કર્યું હતું. પી.એસ.આઈ. વાપી ટાઉન જીતુભાઈ રબારીની આગેવાનીમાં ફલેગ માર્ચ કર્યું હતું તે મુજબ જીઆઈડીસી પોલીસે પણ આજે હોટલ પેપીલોનથી ફલેગ માર્ચ કર્યું હતું. શહેરના જુદા જુદા વિસ્તારોમાં પોલીસ અને આર.પી.એફ.ના જવાનોએ કૂચ કરી હતી. શહેરમાં અસામાજીક તત્તવો વિરૂધ્ધ પોલીસે ચૂંટણી પહેલા ફલેગ માર્ચ યોજીને કાયદા-વ્યવસ્થાની જાળવણી અંગેનો સ્તૂત પ્રયાસ કર્યો હતો.