(વર્તમાન પ્રવાહ ન્યુઝ નેટવર્ક)
દમણ, તા.21 : દમણ-દીવ લોકસભા બેઠકના ભાજપના ઉમેદવાર શ્રી લાલુભાઈ પટેલે આજે વરકુંડ ગ્રામ પંચાયત વિસ્તારમાં ડોર ટુ ડોર ચૂંટણી પ્રચાર કરી ભાજપને વોટ કરવા માટે લોકોને અપીલ કરી હતી. આ પ્રસંગે તેમની સાથે વરકુંડ ભાજપ મંડળના અધ્યક્ષ ડો. વિજય પટેલ, પ્રદેશ અનુસૂચિત જાતિ મોરચાના અધ્યક્ષ શ્રી નિમેષ દમણિયા, મહામંત્રી શ્રી હિતેશ મિષાી, દમણ જિલ્લા મહિલા મોરચાના અધ્યક્ષ શ્રીમતી માલતીબેન, પ્રદેશના આગેવાન મહિલા નેતા શ્રીમતી તરૂણાબેનપટેલ, કચીગામના પૂર્વ સરપંચ શ્રી અમ્રતભાઈ પટેલ સહિત જિલ્લા ભાજપના કાર્યકર્તાઓ ઉપસ્થિત રહ્યા હતા.