(વર્તમાન પ્રવાહ ન્યુઝ નેટવર્ક)
વલસાડ, તા.26: દેશના ગૌરવ સમાન લોકશાહીનો મહાપર્વ નજીક આવી રહ્યો છે તેમ તેમ જિલ્લા ચૂંટણી તંત્ર દ્વારા આ મહાપર્વમાં મતદારોનો ઉત્સાહ વધે તેમજ તેઓ વધુમાં વધુ મતદાન કરે તે માટે મતદાન જાગૃતિ માટે નીત નવા કાર્યક્રમો કરવામાં આવી રહ્યા છે ત્યારે લોકશાહીના આ મહાપર્વને વધાવી લેવા માટે જિલ્લા કલેકટર કચેરી ખાતે ત્રીજા માળે ‘‘અવસર લોકશાહીનો, મારા ભારતનો” અને ‘‘ચુનાવ કા પર્વ, દેશ કા ગર્વ” થીમ આધારિત રંગોળી પૂરવામાં આવી છે. આ સાથે જ મતદારોના માર્ગદર્શન માટે માહિતી દર્શન બેનરો પણ ગોઠવવામાં આવ્યા છે. જે મતદારોમાં આકર્ષણનૂં કેન્દ્ર બન્યા છે.
