અમારુ ગામ ધવલ પટેલને પુર્ણ સમર્થન કરે છે ના બેનરો ગામેગામ લાગ્યા
(વર્તમાન પ્રવાહ વાપી બ્યુરો)
વાપી, તા.27: વલસાડ જિલ્લામાં હોળી-ધુળેટીના રંગોની સાથે સાથે લોકસભાની ચૂંટણીનો રંગ પણ લાગવો શરૂ થઈ ગયો છે. બે દિવસ પહેલાં વલસાડ બેઠક ભાજપના ઉમેદવાર ધવલ પટેલના વિરોધમાં પત્રિકા અને લેટરવોર શરૂ થઈ ગયેલાના અહેવાલો વચ્ચે હવે વલસાડના કાંઠા વિસ્તારના ગામોમાં ભાજપના ઉમેદવાર ધવલ પટેલના સમર્થનમાં ઠેર ઠેર બેનરો લાગ્યા છે.
વલસાડ જિલ્લામાં લોકસભાની ચૂંટણીનો રાજકીય માહોલ છવાઈ રહ્યો છે. પ્રથમ તબક્કે જ લેટર બોમ્બ-પત્રિકાઓનો દોર ચાલું થતા જ રાજકારણ ગરમાઈ જવા પામ્યું હતું. પરંતુ ખુદ ઉમેદવાર ધવલ પટેલએ આ વાત ખંડન કરતા જણાવ્યું હતું કે, વિપક્ષ દ્વારા રચવામાં આવેલું ષડયંત્ર માત્ર છે. હંભ હંબક નનામી પત્રિકાઓ વહેતી કરીને લોકોને ગુમરાહ કરવામાં આવી રહ્યા છે તે મધ્યે વલસાડ જિલ્લાના કાંઠા વિસ્તારના કકવાડી, દાંડી જેવા અનેક ગામો ભાજપના ઉમદવાર ધવલ પટેલના સમર્થનમાં આગળ આવ્યા છે. ગામે ગામ સમર્થનમાં બેનરો લાગી ગયા છે. યુવાનો જણાવી રહ્યા છે કે અમે વિકાસના નામે મતોઆપીએ છીએ. કોંગ્રેસનું અસ્તિત્વ જ છે ક્યાં? મતો માગવાની સ્થિતિમાં કોંગ્રેસ રહી નથી.
