વલસાડ જિલ્લાની બેઠકમાં જિલ્લા ભાજપ પ્રમુખ હેમંતભાઈ કંસારાની પણ રહેલી ઉપસ્થિતિ
(વર્તમાન પ્રવાહ ન્યુઝ નેટવર્ક)
વલસાડ/નવસારી, તા.08
આજે ગુજરાત પ્રદેશ ભાજપ સોશિયલ મીડિયાના કન્વીનર શ્રી સિદ્ધાર્થભાઈ પટેલે નવસારી અને વલસાડ જિલ્લા ખાતે સોશિયલ મીડિયાની ઉપયોગિતા અને તેના મહત્વથી કાર્યકર્તાઓને માહિતગાર કર્યા હતા.
વલસાડ જિલ્લા ખાતે આયોજીત સોશિયલ મીડિયા અને આઈ.ટી.વિભાગની બેઠકમાં વલસાડ જિલ્લા ભાજપ પ્રમુખ શ્રી હેમંતભાઈ કંસારા પણ ઉપસ્થિત રહ્યા હતા. પ્રદેશ ભાજપ સોશિયલ મીડિયાના કન્વીનર શ્રી સિદ્ધાર્થભાઈ પટેલે વોટ્સએપ, ફેસબુક, ઈન્સ્ટ્રાગ્રામ, ટ્વીટર વગેરેમાં સક્રિય રહી પક્ષની વિવિધ લોકઉપયોગી ગતિવિધીના પ્રચારને વેગ આપવા તથા વિરોધીઓ દ્વારા કરાતા દુષ્પ્રચારનો જવાબ આપવા પણ સમજ આપી હતી.