(વર્તમાન પ્રવાહ વાપી બ્યુરો)
વાપી, તા.19: વાપી નેશનલ હાઈવે અકસ્માત ઝોન બની ગયો છે. શહેરની મધ્યમાંથી હાઈવે પસાર થતો હોવાથી અકસ્માતોના બનાવ દિન પ્રતિદિન વધી રહ્યા છે તેવો વધુ એક અકસ્માત બલીઠા હાઈવે બ્રહ્મદેવ મંદિર પાસે આજે થયો હતો. કાર ચાલકે સ્ટેયરીંગ ઉપર કાબુ ગુમાવતા કાર ટ્રક સાથે અથડાતા ગંભીર અકસ્માત સર્જાયો હતો. અકસ્માતમાં કાર ચાલકનો ચમત્કારિક બચાવ થયો હતો.
વાપી બલીઠા હાઈવે બ્રહ્મદેવ મંદિર પાસે કાર નં.જીજે 15સીડી 8833નો ચાલક રોંગ સાઈડ ડ્રાઈવિંગ કરી રહ્યો હતો ત્યારે અચાનક સ્ટેયરીંગ પરથી કાબુ ગુમાવતા કાર ટ્રક સાથે ભટકાતા ગંભીર અકસ્માત સર્જાયો હતો. જેમાં કાર ચાલકનો ચમત્કારિક બચાવ થયો હતો. સ્થાનિક લોકોએ કાર ચાલકને નાની મોટી ઈજા થતા સારવાર માટે ખસેડયો હતો. અકસ્માતની સમગ્ર ઘટના સી.સી.ટી.વી.માં કેદ થઈ હતી. અકસ્માત મામલે કોઈ પોલીસ ફરિયાદ નોંધાઈ નથી.
