સોમ-મંગળવારે રેલવે સ્ટેશન, બસ ડેપો, દાદરા-ડાભેલ ચેકપોસ્ટ ઉપર બુથ ચાલુ રહેશે
(વર્તમાન પ્રવાહ વાપી બ્યુરો)
વાપી, તા.23: વલસાડ જિલ્લા આરોગ્ય વિભાગ દ્વારા રવિવારે વાપીમાં પોલિયો નેશનલ રાઉન્ડનો આરંભ કરવામાં આવ્યો હતો. જેમાં 5 વર્ષની નીચેના બાળકોનેપોલિયોની રસી મુકવામાં આવી હતી. સવારે 9 થી સાંજના 5 કલાક સુધી આ કામગીરી ચાલું રહી હતી.
વાપીના તમામ બુથો ઉપર નેશનલ પોલિયો રાઉન્ડની કામગીરી કરવામાં આવી હતી. બાકાત રહ્યા તેમને સોમ-મંગળવારે રેલવે સ્ટેશન, બસ ડેપો તથા દાદરા-ડાભેલ ચેકપોસ્ટ ઉપર કામગીરી ચાલું રહેશે. તદ્દઉપરાંત આખા આઠવાડીયા દરમિયાન આરોગ્ય ખાતાની ટીમ હાઉસ ટુ હાઉસ ફરીને બાળકોને પોલિયોની રસી પીવડાવાશે. આરોગ્યની ટીમ પાસે બાળકોને પોલિયો રસી અપાવી અભિયાનને સફળ બનાવવા તમારું યોગદાન આપી શકો છો તેવી જાહેર અપીલ પણ આરોગ્ય વિભાગ તરફથી કરવામાં આવી છે.