(વર્તમાન પ્રવાહ વાપી બ્યુરો)
વાપી, તા.04: દક્ષિણ વિભાગ કોળી સમાજ મંડળના સુવર્ણ જ્યંતિ પ્રસંગે પચાસ હજાર વૃક્ષો રોપવાનો સંકલ્પ સાથે સમાજની એકતા સંગઠન મજબુત બને સમાજ એકબીજાથી પરીચિત થાય એ હેતુથી દર રવિવારે કોળી સમાજના વિવિધ ગામોમાં મંડળ દ્વારા વૃક્ષારોપણ કરવામાં આવે છે તે મુજબ આજરોજ દિવાસાના શુભ દિવસે પારડી તાલુકાના બગવાડા, સારણ, રેંટલાવ, મોતિવાડા, પલસાણા અને વટાર ગામે દક્ષિણ વિભાગ કોળી સમાજ મંડળના પ્રમુખ શ્રી હરેશભાઈ પટેલના અધ્યક્ષ સ્થાને મંડળના કારોબારી સભ્યોના પ્રયત્નોથી વૃક્ષારોપણ કરવામાં આવ્યુ હતું. કાર્યક્રમમાં જિ.પંચાયત શાસક પક્ષના નેતા, જિ.પંચાયત સભ્ય મુકેશભાઈ પટેલ, શૈલેશકુમાર પટેલ અને મોટી સંખ્યામાં કારોબારી સભ્યો અને દરેક ગામના કોળી સમાજના ભાઈઓ, બહેનો, યુવાનો, વડીલો હાજર રહ્યા હતા.