નકલી ડોક્ટર, નકલી અધિકારીઓ, નકલી સરકારી કચેરીઓમાં વધુ એક નકલીનો વધારો
(વર્તમાન પ્રવાહ વાપી બ્યુરો)
વાપી, તા.04: ગુજરાતભરમાં નકલીઓની ભરમાર પ્રવર્તીરહી છે. નકલી ડોક્ટર, નકલી અધિકારી, નકલી સરકારી કચેરી, નકલી પોલીસ અધિકારીના અનેક કિસ્સા પ્રકાશમાં આવી ચૂક્યા છે. તેવો વધુ એક કિસ્સો વલસાડ રેલવે સ્ટેશને બન્યો છે. પ્લેટફોર્મ નં.2, 3 ઉપર નકલી ટી.સી. મુસાફરો પાસે ટિકિટ તપાસતો ઝડપાયો છે.
વલસાડ સ્ટેશન ઉપર પ્લેટફોર્મ નં.2-3 ઉપર એક ટી.સી. મહાશય મુસાફરોની ટિકિટ તપાસી રહ્યા હતા ત્યારે એક મુસાફરને શંકા ગઈ હતી કે ટી.સી. પાસે કોઈ બેઝ આઈ કાર્ડ જેવું નહોતું. તેથી મુસાફરે જી.આર.પી.ને રાવ કરી હતી. જી.આર.પી.એ તુરત પ્લેટફોર્મ નં.2-3 ઉપર દોડી જઈને નકલી ટી.સી. મહાશયને ઝડપી પાડયા હતા. જો કે આ મહાશયે આ કૃત્ય કેમ કર્યું તે તપાસમાં બહાર આવશે.