(વર્તમાન પ્રવાહ વાપી બ્યુરો)
વાપી, તા.12: જિલ્લા કક્ષા સ્કૂલ ગેમ ફેડરેશન ઓફ ઈન્ડિયાના રમતગમત ક્ષેત્રમાં સલવાવ શ્રી સ્વામિનારાયણ ગુજરાત બોર્ડ ઇંગ્લીશ મીડીયમના વિદ્યાર્થીઓએ ચેસ ટૂર્નામેન્ટમાં ઉત્કર્ષ દેખાવ કર્યો હતો. જિલ્લા કક્ષાની આ ટૂર્નામેન્ટ પારડી ડીસીઓ સ્કૂલ ખાતે યોજાઈ હતી. ચેસ ટૂર્નામેન્ટમાં અંડર-17 પૂજા બિશ્નોઈ ત્રીજા નંબર પર અને અંડર-19માં શ્રુતિ મોરિયા બીજા નંબરે પસંદગી પામી શાળાનું નામ રોશન કર્યું છે. વિદ્યાર્થીઓને તાલીમ પીટી શિક્ષક પ્રિયાંક પટેલ દ્વારા આપવામાં આવી હતી. બંને વિદ્યાર્થીની રાજ્ય કક્ષાએ પણ શાળાનું નામ રોશન કરે એવી શુભેચ્છા સંસ્થાના મેનેજમેન્ટ ટ્રસ્ટી કપિલ સ્વામીજી, ડિરેક્ટર શૈલેષ લુહાર, એડમીન ડિરેક્ટર હિતેન ઉપાધ્યાય, શાળાના આચાર્ય શ્રીમતી રીનાબેન દેસાઈ અને તમામ શિક્ષકો દ્વારા આપવામાં આવી હતી.
