ચન્દ્રેશ્વર મહાદેવ મંદિર પાટોત્સવના ધાર્મિક કાર્યક્રમમાં હજારોની
હાજરીમાં બનેલી ઘટના
(વર્તમાન પ્રવાહ વાપી બ્યુરો)
વાપી, તા.02: વલસાડ નજીક ધમડાચી ગામમાં ચન્દ્રેશ્વર મહાદેવ મંદિરના પાટોત્સવ ધાર્મિક કાર્યક્રમમાં પ્રખ્યાત ગાયક મુકેશ પટેલનો કાર્યક્રમ ચાલુ હતો તે દરમિયાન હજારોની મેદની વચ્ચે એક નશામાં ધુત યુવાને આવીને ગાયક મુકેશ પટેલને જાહેરમાં ગોળી મારવાની ધમકી આપી કહ્યું હતું કે તું મને ઓળખે છે?, ઉડાવી દઈશ. ઘટના બાદ ભારે ચકચાર મચી ગઈ હતી.
પાલણ ગામના પ્રખ્યાત ગાયક મુકેશ પટેલનો ધમચાડી છપ્પન નગરી સ્થિત ચન્દ્રોશ્વર મહાદેવ મંદિરના પાટોત્સવ ધાર્મિક કાર્યક્રમ ચાલતો હતો ત્યારે નશામાં ધુત યુવાને હલ્લાબોલ કરીને ગાયક મુકેશ પટેલને બંદુક મારવાની જાહેરમાં ધમકી ઉચ્ચારતા કાર્યક્રમમાં હંગામો મચી ગયો હતો. લોકોએ સમજાવી બુજાવી મામલો થાળે પાડયો હતો અને માગણી કરી હતી કે આવા તત્ત્વો સામે પોલીસ કાર્યવાહી કરે. આખી ઘટનાનો વિડીયો વાયરલ થતા સમગ્ર વિસ્તારમાં ચકચાર મચી ગઈ હતી.