(વર્તમાન પ્રવાહ વાપી બ્યુરો)
વાપી, તા.29: વાપી ખાતે આવેલ સમર્પણ જ્ઞાન સ્કૂલના બાળકોએ તારીખ 23 સપ્ટેમ્બરને સોમવારના રોજ વોલ પેઇન્ટિંગ કોમ્પિટિશનમાં ભાગ લઈ ભાવી પેઢીને તણાવ મુક્ત વાતાવરણમાં રાખવાના સંદેશ પ્રદર્શિત કર્યા હતા. આ સ્પર્ધા વાપી નગરપાલિકા અને આઈ ડ્રિમ અબાઉટ ફાઉન્ડેશન દ્વારા રાખવામાં આવી હતી. સમર્પણ જ્ઞાન સ્કૂલના કલા શિક્ષક લાયન ચૈતાલી પાટીલે શાળાના બાળકો સાથે તણાવ મુક્ત ભાવિ પેઢીવિચારને ધ્યાનમાં લઈ સુંદર ચિત્રકારી કરી હતી. આ સ્પર્ધામાં ભાગ લેવા માટે સ્કૂલ ફાઉન્ડર ટ્રસ્ટી લાયન મૂકેશ પટેલ અને શાળાના આચાર્યાએ પૂરતો સહકાર આપી બાળકો તેમજ કાળા શિક્ષકને પ્રોત્સાહિત કર્યા હતા. ચિત્ર દ્વારા બાળકોએ આવનારી પેઢીની મનઃસ્થિતિ સમજી કામ લેવું તેમજ તણાવભર્યા વાતાવરણમાં બાળકોની સ્થિતિ કેવી બની શકે તે દર્શાવ્યું હતું.