ગડર નાખવાની કામગીરી આધિન તા.24 સુધીબલીઠા ફાટક બંધ રાખવામાં આવ્યું છે
(વર્તમાન પ્રવાહ વાપી બ્યુરો)
વાપી, તા.22: વાપી વિસ્તારમાં 6 જેટલા વિકાસ પ્રોજેક્ટ અંતિમ તબક્કા સુધી પહોંચી રહ્યા છે તે પૈકીનો મહત્વાકાંક્ષી પ્રોજેક્ટ છે. બલીઠા રેલવે ઓવરબ્રિજનો આ પ્રોજેક્ટ ટુંક સમયમાં પૂર્ણ થાય તેવી વકી છે. આજકાલ પુલની હેવી ગડરો બેસાડવાની કામગીરી ચાલી રહી છે તે માટે તા.24 ઓક્ટોબર સુધી બલીઠા રેલવે ફાટક બંધ કરાયું છે. ગડર નાખવાની કામગીરી પૂર્ણ થયા બાદ આ રેલવે ફલાય ઓવર ટુંક સમયમાં ચાલુ થશે તેવી શક્યતાઓ છે.
બલીઠા રેલવે ઓવરબ્રિજની ડિઝાઈન મલ્ટી પરપઝ બનાવાઈ છે. પુલ ઉપરથી નીચે ઉતરવા માટે હાઈવેની બન્ને સાઈડ ઉતરી શકાશે. આ બ્રિજ કાર્યરત થયા બાદ હાઈવે ઉપર વારંવાર ફાટક બંધ રહેવાથી ઉભી થઈ રહેલી ટ્રાફિકની સમસ્યાનો કાયમી અંત આવી જશે. જો કે વાપીમાં અન્ય પ્રોજેક્ટ પણ પાઈપલાઈનમાં છે. તેમાં બીજો મહત્ત્વનો પ્રોજેક્ટ બલીઠા જકાતનાકા પાસે અતુલ સોસાયટી સામે હાલમાં કાર્યરત રેલવે અંડરપાસનું કામ પણ પુર જોસમાં ચાલી રહ્યું છે. હાઈવે સર્વિસ રોડથી વાયા અંડરપાસ થઈ વાપી પૂર્વ-પﾍમિમાં હળવા નાના વાહનો આરામથી અવર જવર કરી શકશે. જો કે આ સારા સમાચારો વચ્ચે વાપી ફાટક દમણ-વાપીને જોડતો રેલવે ફલાય ઓવરબ્રિજ કામગીરી લાંબાસમયથી ઠપ્પ પડી છે તે જલદી પૂર્ણ થાય તો વાપી વાસીઓ માટે સૌથી મોટી રાહત પુરવાર થનાર છે.
