(વર્તમાન પ્રવાહ વાપી બ્યુરો)
વાપી, તા.29: સ્કુલ ગેમ્સ ફેડરેશન ઓફ ઇન્ડિયા નડિયાદ દ્વારા રાજ્ય કક્ષાએ તાઇકવોન્ડો સ્પર્ધાનુ આયોજન કરવામાં આવ્યું હતું. જેમાં વાપીની શ્રી એલ.જી. હરિઆ મલ્ટિપર્પઝ શાળાની ધોરણ દસની વિદ્યાર્થીની દિપા ચૌરસિયાએ રજત પદક જીતી શાળાની યશકલગીમાં વધુ એક છોગું ઉમેરી શાળાને ગૌરવ અપાવ્યું છે. શાળાના મેનેજમેન્ટ અને આચાર્યા શ્રીમતી બીની પૌલે શાળા પરિવાર વતી વિજેતા વિદ્યાર્થીનીને અભિનંદન પાઠવી વિદ્યાર્થીની વધુ ઉત્તરોત્તર પ્રગતિકરે એવી શુભકામના વ્યક્ત કરી હતી.
