(વર્તમાન પ્રવાહ ન્યુઝ નેટવર્ક)
સેલવાસ, તા.20
દાદરા નગર હવેલીના નરોલી ગામે માસુમ બાળકી સાથે દુષ્કર્મ બાદ હત્યા કેસમા ડીસ્ટ્રીકટ કોર્ટ દ્વારા આજીવન કેદની સજા કરાઈ હતી.
પ્રાપ્ત વિગત અનુસાર દાનહના નરોલી ગામે ગત 12માર્ચના રોજ ચાર વર્ષની માસુમ બાળકી સાથે પાડોશમા રહેતા આરોપી સંતોષ બીટ્ટુ રજત (ઉ.વ.30) બાળકી પેસેજમા રમી રહી હતી, તે સમયે સંતોષે બાળકીને બીલ્ડીંગના પેસેજમાથી હાથ પકડી પોતાની રૂમમા લઇ ગયો હતો એની સાથે બાળકીના ઘરનો દરવાજો પણ બહારથી બંધ કરી દીધો હતો, ત્યારબાદ બાળકી સાથે દુષ્કર્મનો પ્રયાસ કર્યો હતો એ પછી ધારદાર હથિયાર વડે બાળકીનું ગળું કાપી નાખ્યું હતું અને એક થેલામા ભરી રૂમમા છુપાવી રાખી હતી.જોકે આ ઘટનાને લઈ પ્રદેશના લોકોમાં આક્રોશ જોવા મળ્યો હતો.
દાનહ પોલીસ વિભાગે બાળકીના આરોપીની ધરપકડ કર્યા બાદ 5એપ્રિલના રોજ કોટમાં ચાર્જશીટ રજૂ કરી હતી. જે સંદર્ભે ડીસ્ટ્રીકટ કોર્ટના ન્યાયાધીશ દ્વારા આરોપી સંતોષ બીટ્ટુ રજતને આજીવન કેદની સજા કરવામા આવી છે.
