(વર્તમાન પ્રવાહ ન્યુઝ નેટવર્ક)
દમણ, તા.20
આજરોજ તારીખઃ20/09/2021 ના દિને ‘સ્વચ્છતા હી સેવા’ અને ‘સત્યાગ્રહ સે સ્વચ્છાગ્રહ’ અંતર્ગત પંચાયત કચેરીમાં સરપંચ, પંચાયત સચિવ તેમજ પંચાયત સભ્યો સાથે મળી સિંગલ યુઝ પ્લાસ્ટિક અંગે ચર્ચા કરીને કાયમી માટે સિંગલ યુઝ પ્લાસ્ટિકના ઉપયોગ પર પ્રતિબંધ લગાવવો તેમજ ઓડીએફ પ્લસ અંગેનો ઠરાવ પસાર કરવામાં આવ્યો હતો.
જે અંતર્ગત સરપંચ તેમજ સભ્યો સાથે મળીને પંચાયત વિસ્તારમાં સ્થળ પર જઈને સિંગલ યુઝ પ્લાસ્ટિક બાબતે દુકાનો, હોટલો, બાર તેમજ શબ્જી, ફ્રુટ જેવા સ્ટોલો પર જઈ આ અંગે જાણકારી આપવામાં આવશે તેમજ ઓડીએફ પ્લસ અંગે પણ ચર્ચા કરીને જણાવવામાં આવ્યું કે પંચાયત વિસ્તારના ઘર, બિલ્ડીંગ, બાર, હોટલ, રૂમ, દુકાનથી નીકળતો વેસ્ટેજ કચરો તેઓ દ્વારા સુખો-ભીનો કચરાને અલગ-અલગ કચરાપેટીમાં નાંખવો કે જેથી મિક્ષનહી થાય તેમજ ઓઈલી વેસ્ટેજને પણ અલગ રીતે બાંધીને રાખવો જેથી ગંદકી નહીં થાય.
આ અંગે પણ સરપંચ, તેમજ પંચાયત સભ્યો સાથે મળીને ઉપરોક્ત ઓડીએફ પ્લસ માટે ઘર, બિલ્ડીંગ, બાર, હોટલ, રૂમ, દુકાન જેવા સ્થળ પર જઈ જાણકારી આપવામાં આવશે. જો આમ કરવામાં નહીં આવે તો જરૂરી કાર્યવાહી પણ કરવામાં આવશે તેમજ પંચાયત સચિવ તેમજ સ્ટાફ સાથે ઠેર-ઠેર જઈને ચેકિંગ હાથ ધરવામાં આવશે અને ઉચિત દંડ ફટકાર આવશે જેની ચર્ચા કરીને ઉપરોક્ત અંગેનો આજરોજ ઠરાવ પસાર કરવામાં આવ્યો હતો.
