(વર્તમાન પ્રવાહ ન્યુઝ નેટવર્ક)
ચીખલી,(વંકાલ),તા.25: તલાવચોરામાં શ્રી ગણેશ નવયુવક મંડળ ભુધરવાડી આયોજિત ઓપન ગ્રામ પંચાયત ટેનિસ ક્રિકેટ ટુર્નામેન્ટમાં 16-જેટલી ટીમોએ ભાગ લીધો હતો. જેમાં ફાઇનલ મેચમાં ધકવાડા અને કોસંબા ઇલેવન પ્રથમ દાવમાં 8-ઓવરમાં 52-રન ફટકાર્યા હતા. તેની સામે ધકવાડા ઇલેવને 6.2 ઓવરમાં જ 56-રન ફટકારતા ધકવાડા ઇલેવનનો ફાઇનલમાં ભવ્ય વિજય થયો હતો. ચેમ્પિયન અને રનર્સઅપ ટીમને મહાનુભવોના હસ્તે રોકડ ઈનામ અને ટ્રોફી એનાયત કરવામાં આવી હતી. આ ટુર્નામેન્ટમાં ધકવાડા ઇલેવનના વિકાસભાઈને મેન ઓફ ધ મેચનો ખિતાબ આપવામાં આવ્યો હતો.
તલાવચોરામાં યોજાયેલ આ ક્રિકેટ ટુર્નામેન્ટના બે દિવસ આસપાસના ક્રિકેટ રસિકો મોટી સંખ્યામાં ઉપસ્થિત રહી ક્રિકેટ મેચની મજા માણી હતી. ઈનામ વિતરણમાં ઉપસ્થિત મહાનુભવોએ ચેમ્પિયન અને રનર્સઅપ બન્ને ટીમના ખેલાડીઓને અભિનંદન પાઠવી પ્રોત્સાહિત કર્યા હતા અને છેલ્લા ત્રણ વર્ષથી ટુર્નામેન્ટના સફળ આયોજન માટે શ્રી ગણેશ યુવક મંડળ ભુધરવાડીના યુવાનોને બિરદાવ્યા હતા.
