-
નવયુવાન અને શિક્ષિત ઉમેદવાર તરીકે મહેશ ધોડીની કરેલી પસંદગીથી કોંગ્રેસે દાનહમાં એક જ ઝાટકે સાધેલા અનેક નિશાન
(વર્તમાન પ્રવાહ ન્યુઝ નેટવર્ક)
સેલવાસ, તા.08
આજે દાનહ લોકસભાની પેટા ચૂંટણીમાં ભારતીય રાષ્ટ્રીય કોંગ્રેસના ઉમેદવાર તરીકે શ્રી મહેશભાઈ ધોડીએ પોતાની ઉમેદવારી કરી હતી.
દાનહ કોંગ્રેસ પ્રમુખ શ્રી મહેશભાઈ શર્માના નેતૃત્વમાં નીકળેલી રેલીમાં મોટી સંખ્યામાં કોંગ્રેસીઓની ઉપસ્થિતિ દેખાઈ હતી. દાનહમાં કોંગ્રેસના ઉમેદવાર તરીકે નવયુવાન અને શિક્ષિત શ્રી મહેશભાઈ ધોડીની પસંદગી કરી કોંગ્રેસે એક જ ઝાટકે અનેક નિશાન સાધી લીધા હોવાનું પ્રતિત થઈ રહ્યું છે.
દાનહ કોંગ્રેસ પ્રમુખ શ્રી મહેશભાઈ શર્માએ દાનહ લોકસભાની પેટા ચૂંટણી કોંગ્રેસ પ્રચંડ બહુમતિથી વિજેતા બનશે એવો વિશ્વાસ વ્યક્ત કર્યો હતો. તેમણે જણાવ્યું હતું કે, દેશમાં વધેલી મોંઘવારીથી લોકો ત્રાસી ચુક્યા છે અને પ્રદેશમાં લોકો શાંતિ અને સૌહાર્દનું વાતાવરણ ઈચ્છતા હોવાથી કોંગ્રેસને મત આપશે એવો વિશ્વાસ વ્યક્ત કર્યો હતો.
